DEBUXO.D

A irrupción do papel como material escultórico na arte prodúcese a principios do século XX, nos inicios da modernidade, tendo a Picasso como principal referente. A proxección dos seus traballos realizados en papel, resultará determinante para entender boa parte dos postulados escultóricos dos primeiros movementos de vangarda, influíndo de maneira decisiva no posterior desenvolvemento da escultura moderna.            

  Calvin e Hobbes é unha tira cómica escrita e debuxada por Bill Watterson que relata, en clave de humor, as peripecias de Calvin, un imaxinativo neno de 6 anos, e Hobbes, o seu enérxico e sarcástico tigre de peluche, algo pomposo, que Calvin cre real.  A parella recibe os seus nomes de Juan Calvino, teólogo reformista francés do século XVI, e de Thomas Hobbes, filósofo inglés do século XVII.​ A tira cómica publicouse diariamente desde o 18 de novembro de 1985 ata o 31 de decembro de 1995, aparecendo en máis de 2400 xornais e con máis de 30 millóns de exemplares vendidos dos seus 18 libros recompilatorios,​ o cal a converte nun referente da cultura popular mesmo na actualidade. 

      Mick Jagger (Series 138-147. Serigrafía sobre papel 1975)  de Andy Warhol     Mick Jagger é o cantante principal da banda británica de rock and roll The Rolling Stones. Represéntaselle aquí co torso espido, xogando fronte á cámara de Warhol. A Warhol gustoulle especialmente a imaxe fotoxénica de 'mozo malo' de Jagger e esta obra forma parte dun portafolio de dez serigrafías da estrela producidas en 1975. Incorporou bloques de cor de forma irregular que, aínda que impresos, parecen fragmentos de colaxes de papel de cores. Ao combinar isto con elementos debuxados a man (tamén impresos), as obras parecen máis expresivas que as súas serigrafías anteriores. A calidade abstracta dos bloques de cor mostra o desenvolvemento do interese de Warhol pola arte máis 'non representativa' que estaba a xurdir na década de 1970.   Marilyn Monroe  (Series. Serigrafía sobre lenzo. 1960s)  de Andy Warhol